Xitay gérmaniyide körgezme qilghan chin shixu'ang qebristanliqidin tépilghan sapal heykel yalghan mal iken


2007-12-12
Share

Roytrs agéntliqining 12 ‏- dékabir küni béyjingdin xewer qilishiche, xitay da'iriliri bügün gérmaniyide körgezme qiliniwatqan xitay asare-etiqiliri heqqidiki gep -sözlerning rast -yalghanliqini tekshürüdighanliqini bildürdi.

Xewerde bayan qilinishiche, gérmaniyining hamburg shehiridiki muzéyida körgezmige qoyulghan xitay asare-etiqilirining rast-yalghanliqi tekshürülgendin kéyin, gérman muziyining bayanatchisi mariyana léfshits xanim bu körgezmini ziyaret qiliwatqan kishilerge, bu körgezmidiki 2000 yil burunqi chin shixu'ang qebristanliqidin qéziwélin'ghan sapal heykeller rast asare -etiqe emes, belki teqlit qilip yasalghan lay chirikler heykili ikenlikini uqturghanda, gérman ziyaretchiliri bélet élip yalghan malni ziyaret qilghanliqigha qattiq échin'ghan.

Xewerde bayan qilinishiche yene, xitay hazir en'giliyining london muzéyida körgezme qiliwatqan 'xitayning tunji padishahi' namliq asare‏-etiqe körgezmisidimu, xitayning tunji padishahi chin shixu'angning mamatliqtiki hoquqini qoghdawatqan 20 din artuq sapal chirik heykili bar. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet