Amérika dölet mejlisi xitaydin yang jyenlini qoyup bérishni telep qildi


2006.04.17

Amérika dölet mejlisi ezaliri, xitay dölet re'isi xu jintawning amérika ziyariti harpisida, xitayda türmide yétiwatqan démokratiye pa'aliyetchisi yang jyenli we xitay hökümiti teripidin baj oghrilidi dep eyiblinip qolgha élin'ghan, karxanichi ju dishawning qoyup bérilishi üchün heriket bashlidi.

Amérika dölet mejlisining nurghunlighan ezaliri, yang jyenli we ju dishawning qoyup bérilishini telep qilip amérika prézidénti jurj bushqa xet yazghan.

Xitay hökümiti dawamliq xitay rehberlirining amérika ziyariti harpisida, dangliq siyasiy mehbuslarni qoyup bergen idi. Xu jintawning bu qétimqi ziyariti uning xitay dölet re'isi wezipisini tapshurup alghandin kéyin amérikigha qilghan tunji resmiy ziyariti hésablinidu.

Xewerlerge qarighanda, ötken hepte amérika dölet mejlisining 119 ezasi amérika prézidénti jurj bushqa xet yézip, uningdin xu jintaw bilen körüshkinide amérika puqrasi bolghan xitay démokratiye pa'aliyetchisi yang jyenli mesilisini otturigha qoyushini telep qilghan. Yang jyenli 2002‏- yili xitaygha qanunsiz kirgen dep qolgha ilin'ghan.

Xitay tashqi ishlar minstirliqi ötken hepte yang jyenli toghrisida bayanat élan qilip, uning mesilisining qanun'gha asasen bir terep qilinidighanliqini bildürdi. Lékin qandaq hel qilinidighanliqi heqqide bir néme démidi. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.