Yaponiye xitayning mölcherdiki düshmen ikenlikini éytti
2004.11.10
Yaponiye dölet mudapi'e ministirlikining bir neper emeldari 8 - noyabir küni " bir partiye hökümranliq qilish' siyasitidin waz kechmigen xitay hökümiti kelgüside asiyadiki eng chong herbiy küchke aylinip, hetta yaponiyigimu hujum qilishi mumkin" dep bildürdi.
Yaponiye ortaq axbarat agéntliqining xewer qilishiche, yaponiye herbiy ishlar pilan komitétining ezaliri 9- ayda teyyarlighan yaponiye mudapi'e stratégiye doklatida, xitayning 3 xil ehwalda yaponiyige hujum qilishi mumkinlikini otturigha qoyghan.
Ular bolsa, birinchidin, xitay bilen teywen otturisida urush partlisa, xitay amérikining yaponiyide turushluq armiyisining teywen'ge yardem bérishige taqabil turush üchün yaponiyining bezi rayonlirigha hujum qilishi mumkin. Ikkinchidin, xitay bilen yaponiye otturisida yer-zémin majirasi barghanséri küchiyiwatidu, béyjing sékkako taqim arallirini igiliwalmaqchi. Üchinchidin, xitay herbiy yol bilen sherqiy déngizdiki menpe'etini saqlimaqchi.
Mezkur doklatta yene, yaponiye hökümitining xitayda köriliwatqan nurghun yüzlinishlerge yéqindin ehmiyet bérishini, mesilen, xitayning toxtimastin herbiy xirajitini ashurush we sherqiy déngizdiki talash-tartish qiliniwatqan rayonlarda néfit qidirishqa oxshash pa'aliyetlirige diqqet qilishini telep qildi. (Peride)
Köp körülgen xewerler
RFA
- Uyghur mejburiy emgek mesilisi jenwede bashlan'ghan b d t “Soda we kishilik hoquq munbiri” ning muhim témisi boldi
- Jenwediki b d t yighinida xitay wekilliri yighin meydanini tashlap chiqip ketken
- Tuzini yep, tuzluqini chéqish: xitay yazghuchisi wang méngning Uyghur söygüsi qanchilik?
- Jenwediki b d t munbiride: “Uyghur teshkilatliri wekilliri Uyghur mejburiy emgikige da'ir herqandaq so'algha jawab bérishke teyyar! ”
- Ayyüje türkesh tash xanim: “Türkiyening ürümchide konsulxana échishi shert”