Yaponiye xitay su asti paraxotining jasusluq herikiti munasiwiti bilen béyjinggha naraziliq bildürdi

Yaponiye xitay yadru su asti paraxotining yaponiye déngiz tewelikide üsüp kirgenliki munasiwiti bilen béyjing hökümitining yuqiri derijilik bir diplomatik emeldarigha naraziliq bildürdi. Yaponiye hökümiti, su asti paraxotning tipi we alahidilikige asasen paraxotning xitaygha tewe ikenlikini ilgiri sürgen.

Yadru su asti paraxoti, xitay bilen yaponiye otturisida igilik hoquqi talash tartishtiki sénkaku taqim arilining jenubiygha toghra kélidighan sakishama taqim araliri etrapida bayqalghan. Xewerlerge qarighanda yaponiye déngiz qoghdash etriti, tik uchar we razwitka ayrupilanlirini chiqirip, su asti paraxotning izigha chüshken. Yaponiye tashqi ishlar ministiri nobutaka machimuru, xitayning yaponiye elchixanisidiki da'iriler bilen körüshüp, qattiq naraziliq bildürgen, shundaqla yaponiyidin epu sorashni telep qilip, bundaq weqening qayta yüz bermeydighanliqi heqqide kapalet bérishni telep qilghan.

Xitay tashqi ishlar ministirliqi weqedin xewersiz ikenlikini bildürdi. Tashqi ishlar ministirliqining bayanatchisi jang chiyö, " su asti paraxotining jonggo paraxotimu-emesmu buni bilmeymen, shundaqla bu heqte uchur bilen teminleshmu imkansiz" dep körsetken. Yaponiye bash ministiri kuyzumi, weqedin epsuslan'ghanliqini bildürgen. Yéqinda yaponiye mudapi'e nazariti doklat élan qilip, xitay zimin, teb'iy bayliq we teywen mesilisi tüpeylidin yaponiyige hujum qilishi mümkin, digen pikirni otturigha qoyghan. Bu béyjing hökümitini ghezipini qozghighan idi. (Erkin)