Койзуми билән ху җиңтав а т и һ т ниң башлиқлар йиғини җәрянида үчрушиду


2004-11-19
Share

Асия- тинч окян иқтисади һәмкарлиқ тәшкилатиниң башлиқлар йиғини шәнбә күни чили пайтәхти сантиягода башлиниду.Хитай дөләт рәиси ху җиңтав пәйшәнбә күни сантиягоға йитип кәлгән.

Бу қетимқи йиғинниң асаси темиси террорчилиққа қарши туруш, ядро қоралларни контрол қилиш вә сода мәслисигә мәркәзлишидиғанлиқи пәрәз қилинмақта. Хәвәрләргә қариғанда башлиқлар йиғини җәрянида японийә баш министири койзуми билән хитай дөләт рәиси ху җиңтав йәкшәнбә күни өз- ара сөһбәт елип баридикән. Бу учрушуш, хитайниң бир ядро су асти парахоти японийә деңиз тәвәликигә үсүп киргәнлики сәвәбидин, хитай - японийә мунасивити начарлашқан мәзгилгә тоғра келиду.

Бу арида тәйвән президенти чин шүйбйәнниң ашкарилишичә, хитай су асти парахотиниң японийә деңиз тәвәкилигә үсүп киргәнлики тоғрисидики учурни, японийә армийисигә тәйвән тәрәп уқтурған. Чен шүйбйән, бу учурни америка билән японийигә тәйвәнниң уқтурғанлиқини илгири сүргән. У, асия-тинч окян райониниң тинчлиқи тәйвән, японийә вә америкиниң мәнпәәтигә уйғун, дәп, көрсәткән. Койзуми билән һуҗиңтавниң сөһбити йәкшәнбә күни өткүзүлүши мүмкин. Койзуминиң 2 - дуня урушидики японийә қурбанлар қәвристанлиқини зиярәт қилиши, хитай һөкүмитиниң наразилиқини қозғиған. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт