Koyzumi bilen xu jingtaw a t i h t ning bashliqlar yighini jeryanida üchrushidu

Asiya- tinch okyan iqtisadi hemkarliq teshkilatining bashliqlar yighini shenbe küni chili paytexti santiyagoda bashlinidu.Xitay dölet re'isi xu jingtaw peyshenbe küni santiyagogha yitip kelgen.

Bu qétimqi yighinning asasi témisi térrorchiliqqa qarshi turush, yadro qorallarni kontrol qilish we soda meslisige merkezlishidighanliqi perez qilinmaqta. Xewerlerge qarighanda bashliqlar yighini jeryanida yaponiye bash ministiri koyzumi bilen xitay dölet re'isi xu jingtaw yekshenbe küni öz- ara söhbet élip baridiken. Bu uchrushush, xitayning bir yadro su asti paraxoti yaponiye déngiz tewelikige üsüp kirgenliki sewebidin, xitay - yaponiye munasiwiti nacharlashqan mezgilge toghra kélidu.

Bu arida teywen prézidénti chin shüybyenning ashkarilishiche, xitay su asti paraxotining yaponiye déngiz tewekilige üsüp kirgenliki toghrisidiki uchurni, yaponiye armiyisige teywen terep uqturghan. Chén shüybyen, bu uchurni amérika bilen yaponiyige teywenning uqturghanliqini ilgiri sürgen. U, asiya-tinch okyan rayonining tinchliqi teywen, yaponiye we amérikining menpe'etige uyghun, dep, körsetken. Koyzumi bilen hujingtawning söhbiti yekshenbe küni ötküzülüshi mümkin. Koyzumining 2 - dunya urushidiki yaponiye qurbanlar qewristanliqini ziyaret qilishi, xitay hökümitining naraziliqini qozghighan. (Erkin)