Японийә баш министири шинзо абе вәзиписидин истипа бәрди


2007.09.12
Share on WhatsApp
Share on WhatsApp

японийидә баш министир болуп вәзипә өтәватқан вақти техи бир йилға йәтмигән шинзо абе әпәнди бүгүн 9 ‏- айниң 12 ‏- күни вәзипидин истипа бәргәнликини җакарлиди. Шундақла у японийидики буржуазийә хәлқпәрвәрләр партийисидин өзиниң орниға дәрһал башқа баш минстир тәйинләшни тәләп қилди.

'Франсийә агентлиқи' ниң баян қилишичә, 52 яшлиқ японийә баш министири шинзо абе вәзипә өтәватқан вақти бир йилға йәтмигән вақит ичидә, дөләт ичидә йүз бәргән пул -муамилә сәтчилики, җәмийәттә сиясий қалаймиқанчилиқ чиқиши мумкинлики вә бу сәвәбтин өзиниң партийиси буниңдин кейин хәлқниң ишәнчисигә игә болалмаслиқи мумкинликини һес қилғанлиқи үчүн дәрһал вәзиписидин истипа бәргән.

Америка авазиниң хәвәр қилишичә, хитай һөкүмити буниңға инкас қайтуруп, бу пәқәт японийиниң ички иши, әмма хитай билән японийә оттурисида йеқинда яхшиланған вәзийәтни давамлиқ сақлап қелиш лазимлиқини тәкитлигән.

Шинзо абе болса вәзиписидин истипа бериш алдида, японийә һөкүмитиниң давамлиқ түрдә террорчилиққа қарши турушта чиң туруп, японийә һәрбий қисимлириниң афғанистанда турушлуқ америка қошунлириға деңиздин ярдәм беришигә изчил капаләтлик қилишни тәләп қилған. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт