Yaponiye parlaménti yéngi bash ministir teyinlidi

Yéngidin wezipige teyinlen'gen yaponiye bash ministiri yasu'o fukuda 9 ‏- ayning 26 ‏- küni, asiyadiki xoshna döletler bilen bolghan munasiwetlerni we yaponiyining eng yéqin, küchlük ittipaqdishi amérika bilen bolghan munasiwetni aktip dawamlashturidighanliqini jakarlidi.

Fransiye agéntliqining bayan qilishiche, buningdin burun yaponiyining xitay bilen bolghan munasiwitini yaxshilash üchün tirishqan konsérwatipardin bolghan bash ministir shinzo abéning ornigha yaponiye parlaménti tünügün yasu'o fukuda ependini teyinligen idi.

Xewerde bayan qilinishiche, yasa'o fukuda ependi buningdin burun xitay hökümiti eng yaman körgen bash ministir jyunishiro koyzumining ikkinji dunya urushidiki yasukuni qewristanliqini ziyaret qilidighan pa'aliyetlirige eng küchlük yardem bergen we afghanistan'gha ewetilgen amérika bashchiliqidiki herbiy qoshunlarni qollighan idi. Yasu'o fukuda ependi hazirqi ray sinashtimu yuquri nisbetke ige. (Weli)