Rusiye prézidénti putin, rusiye yaponiye bilen tinchliq söhbitige teyyar dédi


2004-11-15
Share

Düshenbe küni rusiye prézidénti wladimir putin rusiye hökümiti yaponiye bilen tinchliq söhbitini qaytidin bashlashqa teyyar didi. Rusiye bilen yaponiye otturisda hazirghiche bir tinchliq kélishimi imzalanmighanliqi üchün, ikki dölet arisida ikkinchi dunya urushi dewridin qalghan urush haliti téxiche dawamlishiwatidu.

Lékin, fransiye agéntliqining xewer qilishiche, rusiye prézidénti bayanatida, yaponiye bilen rusiye otturisida nechche on yildin buyan dawamliship kéliwatqan térritoriye ixtilaplirining qandaq bir terep qilinishi kérekliki toghrisida héchqandaq konkrét teklip otturigha qoymighan.

Prézidént putin, yekshenbe küni rusiye tashqi ishlar ministiri sérgi lawrof teripidin yaponiye bilen tinchliq söhbitini qaytidin bashlash toghrisida otturigha qoyulghan teklipni qollaydighanliqini bildürdi.

Yaponiye tashqi ishlar ministirliki bolsa, rusiye prézidéntining bayanati heqqide birnéme déyishtin özini qachurdi.

Amérika birleshme agéntliqining xewer qilishiche, prézidént putinning yaponiye bilen bolghan munasiwetler toghrisidiki bayanati hem yaponiye-rusiye rehberliri otturisida muhim uchrishishlar yüz bérish aldida turghan bir peyitte hemde yaponiye rusiyining néfitini asiya döletlirige yötkesh üchün pilanlan'ghan néfit turubisi mesliside xitay bilen qattiq riqabetlishiwatqan bir waqtta otturigha chiqqan.

Xewerde éytilishiche, rusiye prézidénti putin kéler yili yaponiye bilen rusiye padshahliqi arisida tunji kélishim imzalan'ghanliqining 150 yilliqini xatirilesh murasimigha qatnishish üchün yaponiyini ziyaret qilidiken. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet