Yaponiyining "mudapi'e aq tashliq kitabi"da xitay herbiy küchidin agah bolush tekitlendi


2007-07-06
Share

Yaponiye jüme küni"mudapi'e aq tashliq kitabi" élan qilip, xitay herbiy küchining urush qilish iqtidari küchiyiwatqanliqidin agah bolushni tekitlidi. Yaponiye ichki kabinéti jüme küni mezkur doklatni testiqlighan. Bu yaponiye qoghdinish nazaritining derijisi ministirliqqa östürülgendin kéyin élan qilghan tunji höjjet bolup hésablinidu.

Doklatta,xitay déngiz we hawa armiye qisimlirining aldinqi septiki orunlashturush ehwali shundaqla bashqurulidighan bomba iqtidarining küchiyishidin agah bolush eskertildi. Kyoto agéntliqining eskertishiche, doklatta "xitay yiraq déngizda urush qilish, téximu yiraq jaylarda hawa urushi élip bérish iqtidarini yétildürüshke tirishmaqta.

Bu xitay herbiy tereqqiyatining teywen boghuzida yüz béridighan toqunushqa taqabil turush küchidin zor derijide halqip ketkenlik talash - tartishini qozghawatidu" déyilgen. Doklatta yene, xitay herbiy küchi we herbiy sélinmisining ochuq - ashkara bolushi telep qilindi.

Doklatta eskertishiche, teywen boghuzining ikki qirghiqidiki herbiy küchler tengpungluqi, "xitay chong quruqluqining paydisigha qarap özgermekte". Doklatta yene, xitayning déngiz okyanlardiki herbiy pa'aliyiti we xitay déngiz armiyisining yaponiye déngizi etrapidiki herikiti diqqet qozghawatqanliqini tekitligen.

Yaponiyining her yilqi herbiy sélinmisi 42 milyard dollar etrapida bolup, bu xitayning ashkara élan qilghan bu yilqi herbiy sélinmisi bilen asasen tenglishidu. Lékin bezi közetküchiler, xitayning emeliyettiki herbiy sélinmisi ular ashkara élan qilghandin 2-3 hesse köp ikenlikini perez qilishmaqta. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet