Yaponiye ichki kabinét ezaliri yasukuni qebristanliqini ziyaret qildi

Töt neper yaponiye ichki kabinét ministirining yekshenbe küni tokyodiki 2 – dunya urushi qurbanllar qewristanliqini ziyaret qilishi, xitay da'irilirini ghezeplendürdi. Yaponiye ichki kabinétining töt neper ministiri bilen yaponiye parlaméntining 58 neper ezasi, 8 – ayning 15-küni yaponiyening 2- dunya urushida meghlup bolghhanliqining 59 yilliq xatire küni munasiwiti bilen yaponiyining yasukuni qebristanliqtin ziyaret qilghan.

Yaponiye bash ministiri kuyzumi yekshenbe künki xatirilesh pa'aliyitige qatnashmighan bolsimu, biraq u yaponiye xan sariyining yénida ötküzülgen xatirilesh murasimida söz qilip, yaponiyining menggü urush qilmaydighanliqini tekitligen. Yasukuni qebristanliqi, 2 – dunya urushida ölgen 2. 5 Milyon yaponiyilikning xatirisige qurulghan bolup, öz waqtidiki yaponiye armiyisining urush jinayiti bilen eyiblen'gen 13 neper yuqiri derijilik rehbirimu mezkur qebristanliqqa kömülgenidi.

Shinxu'a axbarat agéntliqining xewer qilishiche, xitay tashqi ishlar ministirlikining ministiri kong chu'en, yaponiyidiki bir qisim emeldarlarning qebristanliqni ziyaret qilghanliqidin chongqur epsuslinidighanliqini bildürgen. U, yaponiyining tarixiy ré'alliq bilen yüzlishidighanliqi toghrisidiki wedisini konkért herikitide körsitishini ümid qilghan. Biraq yaponiyilik erbablar, yasukuni qebristanliqini ziyaret qilishtiki meqset, urushta ölgen puqralarni xatirilesh dep qarimaqta. (Erkin)