Yaponiye tashqi ishlar ministirining xitaydiki ziyariti netijisiz axirlashti


2005-04-19
Share

Fransiye axbarat agéntliqining xewer qilishiche, yaponiye tashqi ishlar ministiri machimuru xitay da'irilirining kechürüm sorishigha érishelmigen. Xitay tashqi ishlar ministiri li jawshing " xitay - yaponiye munaswitining yéqinqi 30 yildin bériqi eng töwen nuqtigha chüshüp qalghanliqini" jakarlighan. Xitay tashqi ishlar ministirliqi epu sorimaydighanliqini bildürgen.

Xitay tashqi ishlar ministirliqining bayanatchisi chin gang, machimuru béyjingda yaponiye armiyisining yéqinqi zamanda xitaygha qilghan tajawuzchiliqigha chongqur pushman qilidighanliqini shundaqla epu soraydighanliqini bildürdi, dep tekitlidi. Emma xongkongda chiqidighan "mingbaw" gézitining xewer qilishiche, yaponiye tashqi ishlar ministirliqidiki emeldarlar machimuruning 1998 - yili imzalan'ghan xitay - yaponiye xitapnamisidiki " yaponiye xitaydiki ishghaliyet herikitige pushman qilidu," dégen sözni tilgha alghanliqini, emma uning epu sorimighanliqini bildürgen.

Roytérs axbarat agéntliqi, xitay da'irilirining béyjing we shangxey qatarliq jaylarda namayishchilar teripidin weyran qilin'ghan yaponiye esliheliri üchün tölem töleshke maqul bolghanliqini xewer qildi. Emma yaponiye tashqi ishlar ministirining xitaydiki ziyariti axirlashqan küni, yaponiye parlaméntidiki bezi wetenperwer ezalar yasukuni buzrukgahini tawap qilidighanliqini jakarlidi. Shu küni yaponiyidiki bir sot mehkimisi, 1930 we 40 - yillardiki yaponiye ishghaliyiti jeryanida ziyan'gha uchrighanliqini ilgiri sürgen xitay puqralirining erzini ret qildi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet