Xitay yaponiyining "diplomat weqesi" munasiwiti bilen bildürgen naraziliqini ret qildi
2005.12.30
Yaponiyining shangxey konsulxanisidiki bir diplomatning özini öltürüwélish weqesi xitay - yaponiye munasiwitidiki sürkilishni yene kücheytti. Yaponiye hökümiti bu munasiwet bilen xitaygha resmiy naraziliq bildürgen bolsimu, emma xitay da'iriliri yaponiye hökümitining naraziliqini ret qilip, yaponiyini bashqiche gherizi bar dep eyiblidi.
Yaponiye hökümiti xitay terepning herikitidin epsuslinidighanliqini tekitligen we béyjing da'irilirige naraziliq bildürgen idi. Yaponiye metbu'atliri yéqinda shangxeydiki yaponiye konsulxanisining bir diplomati xitay dölet bixeterlik da'irilirining bésimigha uchrighandin kéyin özini öltürüwalghan.
Xitay bixeterlik idarisining bir xadimi yaponiyilik bu diplomatning shangxeydiki bir bezmixana kütküchisi bilen bolghan gheyri normal munasiwitini pash qiliwétidighanliqi toghrisida tehdit salghan iken. Bu diplomat özining wesiyetnamisida xitay bixeterlik da'irilirining bésimigha uchrighanliqini pash qilghan.
Xitay ishlar ministirliqi bayanatchisi chin gang, "bu weqe özini öltürüwélish dilosi, junggo - yaponiye ikki terep bu diloning xaraktérini burunla békitip bolghan, deydu. U, " yaponiye kona weqeni tekrarlap, özini öltürüwélish weqesini junggo xadimliri bilen baghlawatidu, buningda pütünley bashqiche gherez bar" dep tekitligen. Chin gang, " biz yaponiye hökümitining bu xil meqsetlik halda junggoning obrazigha dagh tekküzüsh herikitidin qattiq ghezepliniwatqanliqimizni bildürimiz, deydu. Emma yaponiye metbu'atliri xitayni b d t ehdinamilirigha buzghunchiliq qilish bilen eyiblimekte. (Erkin)
Munasiwetlik maqalilar
- Yaponiye, shangxeydiki déplomatining özini öltürüwélish weqeside xitayni eyiblidi
- Yaponiyilik bir diplomat xitayning bésimigha uchrighanliqtin özini öltüriwaldi
- Yaponiye bash ministiri xitayni tenqid qildi
- Yaponiye, xitay we jenubiy koriye rehberliri uchrashti
- Liy jawshing: xitay - yaponiye munasiwitining nacharliship kétishige koyzumi jawabkar