Японийә оттура асия әллири билән һәмкарлиқини күчәйтишкә вәдә бәрди


2006.06.05
Share on WhatsApp
Share on WhatsApp

японийә дүшәнбә күни токйода оттура асия әллириниң ташқий ишлар министирлири билән йиғин өткүзүп, бу дөләтләр билән қатнаш - транспорт алақисини раваҗландуруш, террор вә зәһәрлик чекимлик содисиға қарши туруш һәмкарлиқини күчәйтишкә қошулди.

японийә ташқий ишлар министири таро асо дүшәнбә күни токйода чақирилған вә қирғизистан, таҗикистан, өзбекистан ташқий ишлар министирлири вә қазақистан вәкили билән иштирак қилған йиғинда, бу дөләтләр билән юқириқи саһәләр бойичә һәмкарлиқини күчәйтишкә вәдә бәрди. Сөһбәткә афғанистан ташқий ишлар министири көзәткүчи сүпитидә иштирак қилған. Тәрәпләр йиғинда һәмкарлиқни күчәйтиш бойичә һәрикәт пиланини мақуллиди. Һәрикәт пилани алақидар дөләтләрниң сиясий сөһбәт, сода тәрәққияти вә мәдәнийәт алмаштуруш қатарлиқ саһәләргә четилған. японийә ташқий ишлар министири таро асо бу йиғинни " оттура асия вә афғанистанниң муқимлиқи, гүллинишигә ярдәм бериш арзуйимизни әмәлгә ашуридиған муһим қәдәм" дәйду. Әркин

Йиғинда тәрәпләр кәлгүсидә қәрәллик учришип турушқа мақул болди. Б д т хәвпсизлик кеңишигә даими әза болушни арзу қиливатқан японийә, оттура асия әллириниң қоллишиға еришкәнлики йүзисидин рәһмәт ейтти. Лекин җуңго японийиниң хәвпсизлик кеңишигә даими әза болушиға қарши чиқмақта. " Оттура асия вә японийә сөһбити "йиғини, хитай билән русийә оттура асиядики тәсир күчини шаңхәй һәмкарлиқ тәшкилати арқилиқ күчәйтишкә тиришиватқан бир мәзгилдә чақирилди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.