Yaponiye ottura asiya elliri bilen hemkarliqini kücheytishke wede berdi


2006-06-05
Share

Yaponiye düshenbe küni tokyoda ottura asiya ellirining tashqiy ishlar ministirliri bilen yighin ötküzüp, bu döletler bilen qatnash - transport alaqisini rawajlandurush, térror we zeherlik chékimlik sodisigha qarshi turush hemkarliqini kücheytishke qoshuldi.

Yaponiye tashqiy ishlar ministiri taro aso düshenbe küni tokyoda chaqirilghan we qirghizistan, tajikistan, özbékistan tashqiy ishlar ministirliri we qazaqistan wekili bilen ishtirak qilghan yighinda, bu döletler bilen yuqiriqi saheler boyiche hemkarliqini kücheytishke wede berdi. Söhbetke afghanistan tashqiy ishlar ministiri közetküchi süpitide ishtirak qilghan. Terepler yighinda hemkarliqni kücheytish boyiche heriket pilanini maqullidi. Heriket pilani alaqidar döletlerning siyasiy söhbet, soda tereqqiyati we medeniyet almashturush qatarliq sahelerge chétilghan. Yaponiye tashqiy ishlar ministiri taro aso bu yighinni " ottura asiya we afghanistanning muqimliqi, güllinishige yardem bérish arzuyimizni emelge ashuridighan muhim qedem" deydu. Erkin

Yighinda terepler kelgüside qerellik uchriship turushqa maqul boldi. B d t xewpsizlik kéngishige da'imi eza bolushni arzu qiliwatqan yaponiye, ottura asiya ellirining qollishigha érishkenliki yüzisidin rehmet éytti. Lékin junggo yaponiyining xewpsizlik kéngishige da'imi eza bolushigha qarshi chiqmaqta. " Ottura asiya we yaponiye söhbiti "yighini, xitay bilen rusiye ottura asiyadiki tesir küchini shangxey hemkarliq teshkilati arqiliq kücheytishke tirishiwatqan bir mezgilde chaqirildi. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet