Xitay sabiq yaponiye bash ministirining teywen'ge qaratqan ziyaritige qattiq naraziliq bildürdi

Xitay tashqi ishlar ministirliqi peyshenbe küni bayanat élan qilip, sabiq yaponiye bash ministiri jonishiro kuyzumining teywenni ziyaret qilghanliqidin qattiq narazi ikenlikini bildürüp, yaponiyining teywen bilen héchqandaq siyasiy jehette bardi - keldi qilmasliqini telep qildi.

Jonishiru kuyzumi, 2000 ‏- yilidin 2001 ‏- yilighiche yaponiyining bash ministirliq wezipisini ötigen idi, yunishiru kuyzumi mushu heptining bashliri teywenni ziyaret qilish bilen birge , teywen terepning uninggha " yaponiye bilen teywenning büyük munasiwitini tereqqi qildurushta küchlük rol oynighan " lewhelik mukapat teghdim qilghan.

Xitay tashqi ishlar ministirliqining bayanatchisi jang yü ": teywen mesilisi, jungguning tüp menpe'eti bilen junggu - yaponiye siyasiy munasiwitige biwaste tesir körsitidighan nazuk mesile hésablinidu, biz yaponiye hökümitining bergen wediside turup, teywen bilen bolghan alaqisini yaxshi bir terep qilishini bolupmu " teywen müsteqilchi" küchliri bilen siyasiy munasiwet élip barmasliqini telep qilimiz" dédi.

Xewerlerge qarighanda, yaponiyining sabiq bash ministiri jonishiru kuyzumi 21 - noyabirdin 23 - noyabirghiche teywende ziyarette bolush jeryanida chén shuybiyen qatarliq teywen rehberliri bilen körüshidiken.

Xitay herqandaq bir döletning teywen bilen diplomatik munasiwet ornitishigha yol qoymaydu. (Eqide)