Япунийә һөкүмити сабиқ тәйвән президентиға веза беришни қарар қилди


2004-12-16
Share

япунийә һөкүмити пәйшәнбә күни, сабиқ тәйвән президенти ли деңхүйгә пат арида веза беришни қарар қилғанлиқини билдүрди. Бу қарар, хитай һөкүмитиниң қаттиқ наразилиқини қозғиди.

япунийә һөкүмәт даирилириниң билдүришичә, ли диңхүй вә аилисидикиләр япунийигә килип саяһәт қилишни халайдикән. Ли диңхүйниң зиярити хитай- япунийә мунасивитигә һечқандақ тәсир йәткүзмәйдикән. Чүнки, у япунийини зиярәт қилған мәзгилидә сиясий паалийәтләр билән шуғулланмайдиғанлиқ һәққидә капаләт бәргән.

Бирақ, хитай ташқи ишлар министирликиниң баянатчиси лю җәнчав пәйшәнбә күни баянат елан қилип, японийә һөкүмитигә қаттиқ наразилиқ билдүрди. У японийә һөкүмитидин ли диңхүйгә виза бериш қарарини дәрһал бикар қилишни тәләп қилди, һәмдә унда болмиғанда, икки дөләт мунасивитиниң зиянға учрайдиғанлиқини тәкитлиди. Хитай тәйвәнни өзиниң бир қисми дәп қарайдиғанлиқи үчүн, башқа дөләтләрни тәйвән билән һәр қандақ шәкилдики алақә бағлаштин тосиду. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт