Японийиниң сабиқ баш министири, хитай билән "мәртләр келишими" имзалиғанлиқини рәт қилди
2005.04.29
японийиниң сабиқ баш министири ясухиро накасони, 20 йилниң алдида хитай билән " японийә рәһбәрлириниң ясикуни бузрикгаһини зиярәт қилмаслиқи" тоғрисида " мәртләр келишими" имзалиғанлиқини рәт қилди. Буниң сәл алдида японийә баш министири койзуми, " мән буни тәкшүрдүм шундақла бундақ бир келишим мәвҗут әмәс," дәп җакалиған.
Хитайниң японийидики баш әлчиси ваңйи, алдинқи күни хитай билән японийә 1985 - йили японийә рәһбәрлириниң ясикуни бузрукгаһини зиярәт қилмаслиқи тоғрисида ағзаки келишим түзгәнликини елан қилған. Ваң йиниң тәкитлишичә, хитай тәрәп японийә рәһбәрлириниң бузрукгаһни зиярәт қилмаслиқи бәдилигә, төвән дәриҗилик әмәлдарларниң ясикунини зиярәт қилишиға көз юмушқа мақул болғанкән.
Әмма 1982 - йилдин 1987 - йилғичә японийә баш министири болған ясухиро накасуни, " бу әмәлийәткә пүтүнләй уйғун әмәс," дәп көрсәтти. Ваң йиниң хата аңливалғанлиқини тәкитлигән накасуни, ярдәмчиси арқилиқ хитай әлчиханисиға телефон қилип наразилиқ билдүргән.
Бу йил 86 яшлардики ясухиро накасуни, "мән мәртләр келишиминиң барлиқини рәт қилимән," диди. Накасуни 1985 - йили ясукуни бузрукгаһини зиярәт қилған. Шуниңдин 11 йил кейин 1996 - йили әйни дәврдики японийә баш министири рютару хашимото, бузрукгаһни зиярәт қилди. Бу арида токйодики бир сот мәһкимиси, японийә вә җәнубий корийилик бәзи пуқраларниң койзуми билән токйо шәһәр башлиқи ишихара синтаро үстидин ачқан давасини рәт қилған. Давагәрләр, ясикуни бузрукгаһини зиярәт қилған койзуми билән синтаро, японийә асаси қануниниң дөләт билән динни айриш тоғрисидики маддисиға хилаплиқ қилди, дәп әйиблигән иди. (Әркин)
Мунасивәтлик мақалилар
- японийә ташқи ишлар министири хитайни әйиблиди
- Койзуми, японийиниң өтмүштики һәрикити мунасивити билән әпу сориди
- японийә парламентидики затлар ясукуни бузрукгаһини зиярәт қилди
- Хитай- японийә мунасивитиниң пат арида әслигә келиши мөлчәрләнмәктә
- японийә, урушта һаят қалған хитайларниң әрзини рәт қилди