Yaponiyining sabiq bash ministiri, xitay bilen "mertler kélishimi" imzalighanliqini ret qildi

Yaponiyining sabiq bash ministiri yasuxiro nakasoni, 20 yilning aldida xitay bilen " yaponiye rehberlirining yasikuni buzrikgahini ziyaret qilmasliqi" toghrisida " mertler kélishimi" imzalighanliqini ret qildi. Buning sel aldida yaponiye bash ministiri koyzumi, " men buni tekshürdüm shundaqla bundaq bir kélishim mewjut emes," dep jakalighan.

Xitayning yaponiyidiki bash elchisi wangyi, aldinqi küni xitay bilen yaponiye 1985 - yili yaponiye rehberlirining yasikuni buzrukgahini ziyaret qilmasliqi toghrisida aghzaki kélishim tüzgenlikini élan qilghan. Wang yining tekitlishiche, xitay terep yaponiye rehberlirining buzrukgahni ziyaret qilmasliqi bedilige, töwen derijilik emeldarlarning yasikunini ziyaret qilishigha köz yumushqa maqul bolghanken.

Emma 1982 - yildin 1987 - yilghiche yaponiye bash ministiri bolghan yasuxiro nakasuni, " bu emeliyetke pütünley uyghun emes," dep körsetti. Wang yining xata angliwalghanliqini tekitligen nakasuni, yardemchisi arqiliq xitay elchixanisigha téléfon qilip naraziliq bildürgen.

Bu yil 86 yashlardiki yasuxiro nakasuni, "men mertler kélishimining barliqini ret qilimen," didi. Nakasuni 1985 - yili yasukuni buzrukgahini ziyaret qilghan. Shuningdin 11 yil kéyin 1996 - yili eyni dewrdiki yaponiye bash ministiri ryutaru xashimoto, buzrukgahni ziyaret qildi. Bu arida tokyodiki bir sot mehkimisi, yaponiye we jenubiy koriyilik bezi puqralarning koyzumi bilen tokyo sheher bashliqi ishixara sintaro üstidin achqan dawasini ret qilghan. Dawagerler, yasikuni buzrukgahini ziyaret qilghan koyzumi bilen sintaro, yaponiye asasi qanunining dölet bilen dinni ayrish toghrisidiki maddisigha xilapliq qildi, dep eyibligen idi. (Erkin)