Японийә мудапиә қисимлири хитай уруш парахотлирини тосиди


2005-09-09
Share

японийә армийисиниң бир уруш айропилани, тәвәлики талаш - тартиштики шәрқий деңиз райониға йеқинлашқан бәш хитай уруш парахотини көзитишкә башлиди.

Бирләшмә ахбарат агентлиқиниң хәвәр қилишичә, японийә мудапиә қисимлири окинава әтрапидики коме арилиниң 290 километир шәрқий - шималида, P -C3 бәлгилик бир разветка айропилани билән хитайниң башқурулидиған бомба парахотлирини өз ичигә алған бәш уруш парахотини көзитишкә башлиған.

японийә даирилириниң әскәртишичә, хитай уруш парахотлири очуқ деңизда болуп, японийә деңиз тәвәкилигә кирмигәнликтин японийә қисимлири һәрикәт қолланмиған.

японийә билән хитай шәрқий деңиз районидики нефит вә тәбиий газ байлиқи мол юқириқи җайларда игилик һоқуқи барлиқини илгири сүрмәктә иди. японийә бу йил 7 - айда хусусий ширкәтләрниң талаш - тартиштики районда нефит вә тәбиий газ қезиш мәшғулати елип беришиға йол қойған, 8 - айда хитайларниң бу районда нефит - тәбиий газ қезиватқанлиқини байқиғандин кейин хитайға наразилиқ билдүргән. Шуниң билән биргә, японийә билән хитайниң японийә тарих китаблири вә японийә баш министири койзуминиң ясукони бузрукгаһини зиярәт қилиши мәсилисидә җидди ихтилап бар иди.

японийә мудапиә даирилириниң тәкитлишичә, хитай уруш парахотлириниң японийә земин тәвәликигә йеқинлишишидики мәқсиди мәлум әмәскән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт