Yaponiye mudapi'e qisimliri xitay urush paraxotlirini tosidi

Yaponiye armiyisining bir urush ayropilani, teweliki talash - tartishtiki sherqiy déngiz rayonigha yéqinlashqan besh xitay urush paraxotini közitishke bashlidi.

Birleshme axbarat agéntliqining xewer qilishiche, yaponiye mudapi'e qisimliri okinawa etrapidiki komé arilining 290 kilométir sherqiy - shimalida, P -C3 belgilik bir razwétka ayropilani bilen xitayning bashqurulidighan bomba paraxotlirini öz ichige alghan besh urush paraxotini közitishke bashlighan.

Yaponiye da'irilirining eskertishiche, xitay urush paraxotliri ochuq déngizda bolup, yaponiye déngiz tewekilige kirmigenliktin yaponiye qisimliri heriket qollanmighan.

Yaponiye bilen xitay sherqiy déngiz rayonidiki néfit we tebi'iy gaz bayliqi mol yuqiriqi jaylarda igilik hoquqi barliqini ilgiri sürmekte idi. Yaponiye bu yil 7 - ayda xususiy shirketlerning talash - tartishtiki rayonda néfit we tebi'iy gaz qézish meshghulati élip bérishigha yol qoyghan, 8 - ayda xitaylarning bu rayonda néfit - tebi'iy gaz qéziwatqanliqini bayqighandin kéyin xitaygha naraziliq bildürgen. Shuning bilen birge, yaponiye bilen xitayning yaponiye tarix kitabliri we yaponiye bash ministiri koyzumining yasukoni buzrukgahini ziyaret qilishi mesiliside jiddi ixtilap bar idi.

Yaponiye mudapi'e da'irilirining tekitlishiche, xitay urush paraxotlirining yaponiye zémin tewelikige yéqinlishishidiki meqsidi melum emesken. (Erkin)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar