Xitay - yaponiye munasiwetliri yene jiddiyleshti
2005.10.17
Yaponiye bash ministiri koyzumi düshenbe küni yaponiye urush qurbanlar buzrukgahini tawap qilghandin kéyin, xitay bilen yaponiye düshenbe küni shimaliy koriye yadro qorallar mesilisi boyiche tokyoda ötküzüdighan söhbitini bikar qildi.
Shu küni texminen 20 etrapidiki xitay namayishchi béyjingdiki yaponiye elchixanisi aldida namayish ötküzüp, "yaponiye millitarizimini yoqitayli," dégen shu'arlarni towlighan.
Yaponiye terep söhbetning bikar qilinish sewebini chüshendürmigen bolsimu, emma söhbet bash ministir koyzumi buzrukgahni ziyaret qilghandin kéyinla bikar qilindi. Xitay tashqi ishlar ministirliqi hazirghiche bu toghrisida pikir bayan qilmighan.
Shinxu'a axbarat agéntliqining xewer qilishiche, xitayning yaponiyide turushluq bash elchisi wang yi, koyzumining urush qurbanlar buzrukgahigha qilghan ziyaritini "jonggo xelqighe qaritilghan éghir küshkürtüsh herikiti," dep eyiblidi. Emma yaponiye terep xitay terepning eyiblishini ret qilip, koyzuminining buzrukgahni tawap qilishi " pütünley shexsiy ibadet, yaponiyining menggü urush qozghimasliqini tilesh, urush qurbanlirigha hörmet bildürüsh we ulargha rehmet éytish, buning ehmiyiti zor" dep tekitligen.
Xewerlerge qarighanda xitay terep 23 - öktebirde ötküzülidighan xitay - yaponiye tashqiy ishlar ministirlar yighinini bikar qilghan. (Erkin)
Munasiwetlik maqalilar
- Yaponiye xitayni sherqiy déngizda tebi'iy gaz qézish mesilisi boyiche agahlandurdi
- Yaponiye xitayni "söhbetni qesten keynige süriwatidu" dep eyiblidi
- Yaponiye bilen xitay taqim arallar mesilisi boyiche söhbet ötküzdi
- Xitay talash - tartishtiki sherqiy déngiz rayunigha herbiy paraxutlirini ewetti
- Yaponiye bilen xitay sherqiy déngizdiki talash - tartishlar toghrisida söhbet élip baridu