Yaponiye bash ministiri xitayni tenqid qildi


2005.12.13

Yaponiye bash ministiri koyzumi seyshenbe küni ku'alalumpurda sherqiy jenubiy asiya döletlirining rehberliri bilen uchrashqanda, xitay rehbirining yasikonu buzrukgahini ziyaret qilghanliqim sewebidin méning bilen uchrishishni ret qilghanliqini chüshünelmidim, dédi.

Birleshme axbarat agéntliqining xewer qilishiche, koyzumi, " dunyada oxshimighan pikirge ige bolmighan ikki dölet yoq, men xitayning bir mesilini dep , méning bilen uchrashmighanliqini chüshinelmidim "dep tekitligen.

Yaponiye emeldarlirining ashkarilishiche, koyzumi sherqiy - jenubiy asiya ellirining rehberliri bilen uchrashqanda, malaysiye bash ministiri badawi we filippin prézidénti aroyolargha néme üchün yasikuno buzrukgahini ziyaret qilidighanliqining seweblirini chüshendürgen.

Yaponiye- xitay arisidiki sürkilish rayondiki döletlerni bi'aram qilmaqta. Koyzumi ulargha yasikuno buzrukgahini ziyaret qilishtiki meqset urushtin pushayman qilish we buningdin kéyin urush qilmasliqni eskertip turush, dep körsetken. U, "méningche waqitning ötishi bilen kishiler méni toghra chüshünüp qalidu" deydu.

Xitay bash ministiri wén jyabaw, jenubiy koriye prézidénti ro mu-hun qatarliqlar ku'alalumpurda sherqiy - jenubiy asiya ellirining bashliqlar yighinigha qatnashmaqta. Ular yaponiye bash ministiri koyzumining yasikuno buzrukgahini ziyaret qilghanliqini seweb qilip, yighin arisida yaponiye, xitay we jenubiy koriye bashliqlar söhbiti ötküzüsh pilanini bikar qilghan. Xitay tashqiy ishlar ministirliqi shu küni bayanat élan qilip, koyzumining "yasikuno buzrukgahini ziyaret qilish weqesi jonggo, koriye we asiya xelqlirining könglige azar berdi" dédi.

Xitayning mu'awin tashqi ishlar ministiri wu dawéy, bu ehwalda " jonggo, yaponiye we koriye söhbiti élip bérishning héchqandaq ehmiyiti yoq, deydu. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.