Yaponiye xitaygha béridighan maliye yardimini kéchiktürdi


2006.03.23

Xitay bilen munasiwetliri künséri yériklishiwatqan yaponiye, xitaygha béridighan maliye yardimini kéchiktürdi. Yaponiye tashqi ishlar ministirliqining bayanatchisi, yaponye hökümitining bu mesile üstide qarar bérish üchün köprek waqitqa éhtiyaji bar, dédi.

Yaponiye- xitay munasiwetliride 2001- yilidin yeni yaponiyide bash ministiri junichiru koyzumi hakimiyet béshigha kélip, tokyodiki ikkinchi dunya urushi qurbanliri kömülgen yasukoni buzrukgahini ziyaret qilishqa bashlighandin béri körünerlik arqigha chikinish körülmekte.

Köpchilikke melum bolghandek, xitay qatarliq bezi döletler yasukuni buzrukgahini yaponiye militarizmining simwoli dep qarimaqta. Chünki bu qebristanliqqa ikkinchi dunya urushi jeryanida qurban bolghan ikki milyon yaponiye puqrasidin bashqa yene bu urushni qozghighan yaponiye générallirimu kömülgen.

Xewerlerge qarighanda, xitay bilen yaponiye otturisida arallar we etrapidiki néfit menbeliri üstide mewjut talash- tartishlar, rayondiki tesir küchini köpeytish üchün riqabetlishish bu ikki dölet munasiwitining jiddiylishishige seweb bolmaqta.

Xitay tashqi ishlar ministirliqining bayanatchisi ching gang yaponiye hökümitining xitaygha maliye yardimini kéchiktürüsh qararigha inkas qayturup, yaponiyining junggogha bergen maliye yardimi junggoning iqtisadiy we ijdima'iy tereqqiyatida muhim rol oynighan. Yaponiyimu buningdin menpe'etlendi. Biz ikki döletning mewjut mesililerni söhbet arqiliq bir terep qilalaydighanliqigha ishinimiz, dédi. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.