Xitay bash elchisi yaponiye tashqiy ishlar ministirliqigha bérishni ret qildi

Xitay tashqiy ishlarministiri li jawshing, yaponiye bash ministiri koyzumining yasikuni buzrukgahini ziyaret qilish pilanini dötlük, dep eyibligendin kéyin, yaponiye tashqiy ishlar ministirliqigha chaqirtilghan xitay bash elchisi yaponiye terepning chaqiriqigha pisent qilmidi.

Yaponiye " nixon kéyzay" gézitining xewer qilishiche, xitayning yaponiyide turushluq bash elchisi wang yiy, charshenbe küni yaponiye tashqiy ishlarministirliqining yardemchi ministiri shotaro yachi teripidin qayta - qayta chaqirtilghan bolsimu, lékin yaponiye terepning telipige pisent qilmighan. Esli shotaro yachi wang yiyni chaqirtip, xitay tashqiy ishlarministiri li jawshingning sözlirige naraziliq bildürmekchi idi.

Li jawshing bash ministir koyzumining yasikunini ziyaret qilghanliqini chüshen'gili bolmaydighan " dötlük", dep eyibligen. " Yumyuru " gézitining ashkarilishiche, wang yiy tashqiy ishlar ministirliqigha kélishni ret qilghandin kéyin, shotaro yachi uning bilen téléfonda körüshüp li jawshingning sözlirige naraziliq bildürgen.

Wang yiy charshenbe küni yaponiye tashqiy ishlar ministirliqigha barmighan bolsimu, emma peyshenbe küni yaponiye tashqiy ishlarministiri tari asoning teywenni dölet, dep atghanliqigha naraziliq bildürüsh üchün, shotaro yachi bilen körüshken. Yaponiye metbu'atliri asoning teywenni dölet, dep atighanliqigha xitay da'irilirining qattiq narazi bolghanliqini bildürmekte. (Erkin)