Yaponiye xitaygha bériwatqan yardem türini toxtitidighanliqini bildürdi


2004.11.26

Yaponiye tashqi ishlar ministirliqi, yaponiyining xitaygha bériwatqan tereqqiyat yardem türini yéqin arida toxtitidighanliqini élan qildi.

Yaponiye tashqi ishlar ministiri nobutaka machimura, jüme küni yaponiye parlamént ezalirigha söz qilip, xitayning yéqin kelgüside yaponiye tereqqiyat yardem türidin behriman bolidighan döletler tizimlikidin qaldurulidighanliqini bildürgen.

Xitay hökümitining melumatigha qarighanda xitay iqtisadining bu yilqi ösüsh nisbiti 9.3 ٪ Bolup, biraq yaponiye iqtisadi yéqinqi on yildin béri turghun haletke chüshüp qalghan. Yaponiye uzun yillardin béri xitayni ösümsiz qerz bilen teminlep kéliwatatti.

Közetküchiler, yaponiyining xitaygha béridighan yardem türini toxtitish qarari, ikki dölet otturisidiki siyasi alaqining jiddiliki bilen munasiwetlik dep qarimaqta. Yaponiye bash ministiri kuyzumining 2- dunya urushida ölgen yaponiye döletlik qurbanlar qewristanliqini ziyaret qilishi, xitay hökümitining naraziliqini qozghighan. Yéqinda xitayning bir su asti herbiy paraxotining yaponiye déngiz tewelikige üsüp kirishi, xitay bilen yaponiye otturisidiki diplomatik sürkilishke sewebchi bolghan idi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.