Amérika hökümiti apet tesirige uchrighan xelqqe 700 milyon dollar tarqatti


2005.09.11
Share on WhatsApp
Share on WhatsApp

Amérika hökümiti kachina déngiz chapquni apitining tesirige uchrighan xelqlerge biwaste 700 milyon dollar yardem puli tarqatti. Amérika fédéral jiddiy tedbir körüsh idarisining bildürishiche, bu pullar apet sewebidin öyliridin ayrilishqa mejbur bolghan 330 mingdin oshuq a'ililikke bölüp bérilgen.

Shundaqla bu pullarning köpünchisi apet tesirige éghir uchrighan lu'izi'ana shitatigha barghan bolup, her bir a'ililikke biwaste yardem qilish süpiti bilen texminen 2000 dollardin neq pul bérilgen.

Amérika birleshme agéntliqining melum qilishiche, apettin kéyin, nurghun kishiler amérika fédéral jiddiy tedbir körüsh idarisini apetke derhal inkas qayturalmighan dep eyibligen hemde shu seweptin, bu idarining bashliqi maykél brawinning méksika qoltuqi rayonidiki apettin qutquzush herikitige bolghan qomandanliq hoquqi élip tashlan'ghan.

Bu arida amérika prézidénti jorj bush apet tesirige uchrighan rayonlarni choqum qayta qurup chiqidighan'gha wede berdi hemde pütün amérika xelqini, ittipaqliship bu apetke birlikte taqabil turushqa chaqirdi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet