Yawropa ittipaqi xitaygha qaratqan qoral cheklimisini bikar qilishta ikkilendi

Xitayning "döletni parchilashqa qarshi qanuni" ni maqullishi we amérika hökümitining bésimi asitda yawropa ittipaqining xitaygha qaratqan qoral cheklimisini bikar qilish iradiside ikkilinish körüldi.

"Nyu-york waqti géziti" ning seyshenbe künidiki xewiride, yawropa birlikining amérikining bésimi astida xitaygha qaratqan qoral cheklimisini bikar qilish pilanini keynige sürgenlikini xewer qilghan.

Amérika tashqi ishlar ministirliqining mu'awin bayanatchisi adam ireli, amérikining téxi yawropa ittipaqidin bu heqte éniq jawab almighanliqini, nawada bu xewer rast bolup chiqsa, amérika hökümitining elwette buni qarshi alidighanliqini bildürdi.

Amérika hökümiti bilen dölet mejlisi birlikte yawropa ittipaqining xitaygha qaratqan qoral cheklimisini bikar qilishigha küchlük qarshiliq bildürgen bolup, hetta xitaygha qoral sétip bérishke arilashqan yawropa döletlirige iqtisadiy jaza qollinidighanliqini jakarlighan idi.

Nöwette yawropa ittipaqi bu mesilini qandaq bir terep qilish heqqide jiddiy muzakirileshmekte. (Peride)