Yawropa ittipaqi tashqi ishlar minstirliri xitay terep wekilliri bilen ayrim uchrashti

Gérmaniyining hamburg shehiride échiliwatqan yawropa - asiya döletlirining tashiqi ishlar ministirlirining uchrishish yighinidin burun, yawropa ittipaqi tashqi ishlar minstirliri xitay terep wekilliri bilen ayrim uchrashti hemde xitay munasiwetliri jeryanida kélip chiqqan qizil reqemni kémeytish üchün, xitayni bazarni bekrek qoyuwétishke, ishchilarning heq- telep we siyasiy hoquqini qoghdaydighan xelq'araliq ehdiname maqullashqa qistidi.

Yawropa ittipaqi tashqi munasiwetler komissari bénita frréro-waldnér ( Benita Ferrero- Waldner), xitay tashi ishlar ministiri yang jyéchi bilen uchrashqandin kiyin: "men arimizdiki ghayet zor qizil reqemni otturigha qoydum. Bu qizil reqem, peqet 2006- yildila 130 milyard yawro boldi. Bu bek chong san, shunga biz xitay bazirigha yol échishimiz kérek" deydu.

Emma, xitay tash ishlar ministiri yang jyéchi, mezkur uchrishish heqqide toxtilishni ret qildi.

Waldnérning bildürüshiche, yang yawropaning xitaygha qaratqan qoral yaraq imbargosini bikar qilish mesilisini otturigha qoyghan. Waldnér bolsa, xitayning xelq'araliq heq-telep we siyasi hoquq ehdinamisige qol qoyushining zörür ikenlikini küchlük rewishte tekitligen.

Yawropaning adil bazar riqabiti izleydighanliqini bildürgen gérmaniye tashqi ishlar ministiri firenk - waltér stéyinméyér (Rrank- Walter Steinmeier) : " asiya nahayiti zor iqtisadi rohqa ige. Bu jaydin nurghunlighan yawropa shirketliri kop payda aldi. Emma, men riqabitimizning adil bolushini ümid qilimen. Bundaq déyishim, biz muhit we ijtima'iy ölchemlerge bek yuqiri telep qoyup kéliwatqanliqimiz üchünla yawropa shirketlirining asiyagha- yuqiriqi ölchemler hörmet qilinmaydighan jaylargha kétishige qarap turalmaymiz " deydu.(Jüme)