Isra'iliye gaza we i'ordan deryasining gherbiy qirghiqidiki bir qisim pelestin zéminidin pütünley chékindi

Yehudiylar, isra'iliye bash ministiri ariyol sharunning pelbestin zémninlirini bikar qilish buyruqi boyiche gazadin pütünley chékindi. Buning bilen birge isra'iliye armiyisi i'ordan deryasining gherbiy qirghizidiki ikki yehudilar mehellisini mejburi chékindürgen.

Isra'iliye armiyisi seyshenbe kün'giche gazadiki 21 yehudi mehellisini belgilen'gen muddet ichide chékindürüp boldi. Emdi isra'iliye qisimlirining gherbiy qirghaqtiki 4 yehudiylar mehellisini chékindürüshige toghra kélidu.

Isra'iliye qoshunliri gherbiy qirghaqning sanur we xomesh yehudi mehelliliridiki texminen 2000 radikal yehudiy milletchilirining qarshiliqigha uchrighan. Isra'iliye bu ikki mehellidiki puqralarni chékindürüsh üchün nechche ming esker we saqchini seperwer qildi. Biraq terepler otturisida kishiler endishe qilghandek toqunush yüz bermidi. Isra'iliye herbiy da'iriliri zörür tépilsa qoral ishlitishke teyyarliq qilip qoyghanliqini agahlandurghan. Bu isra'iliyining 1967 - yili 3 - qétimliq ottura- sherq urushida gherbiy qirghaqni ishghal qiliwalghandin béri, tunji qétim ishghaliyet astidiki pelestin ziminlirini özlikidin terik étishi bolup hésablinidu.

Pelestin rehbiri maxmud abbas bilen isra'iliye bash ministiri ariyol sharun, chékinishning isra'iliye - pelestin munasiwitide yéngi bir sehipe échishini ümid qildi. Amérika prézidénti jorji bush chékinishni " tarixiy bir qedem," dep teriplidi. (Erkin)