Ирандики йәр тәврәштә қаза қилғанларниң сани 500 гә йәтти

Иранда сәйшәнбә күни йүз бәргән 6.4 Бал йәр тәврәш апитидин кейинки қутқузуш ишлири давамлишиватқан болуп, һазирғичә қаза қилғанларниң сани 500 гә йәткән. Шундақла мунасивәтлик орунлар бу санниң йәнә давамлиқ ешип баридиғанлиқини мөлчәрлимәктә.

Йәр тәврәш апитиниң тәсиригә еғир учриған керман өлкисиниң муавин өлкә башлиқи муһәммәд җавадниң мәлум қилишичә, йәр тәврәш бу йәрдики 30 миңдин ошуқ киши орунлашқан 40 нәччә кәнткә тәсир көрсәткән. Шундақла һазирғичә аз дегәндә 900 киши яриланған.

Гәрчә иран һөкүмити һазирғичә, иран ядро кризиси түпәйлидин хәлқарадин ярдәм соримиған болсиму, әмма америка һөкүмити йәнила ирандики апәткә учриған районларға ярдәм қилишни пиланлимақта.

Бу қетимлиқ йәр тәврәш иранниң оттура қисмида йүз бәргән болуп, у ирандики қәдимий бам шәһиридин 250 километир йирақлиқта болған. Бам шәһиридә 2003 - йили 12 -айда 6.6 Бал йәр тәврәп, 30 миңдин ошуқ киши қаза қилған иди. Иранниң орни йәр тәврәш бәлвиғиға җайлашқан болуп, бу йәрдә күнигә аз дегәндә бир қетим аҗиз йәр тәврәп туридикән. (Пәридә)