Irandiki yer tewreshte qaza qilghanlarning sani 500 ge yetti


2005.02.23
Share on WhatsApp
Share on WhatsApp

Iranda seyshenbe küni yüz bergen 6.4 Bal yer tewresh apitidin kéyinki qutquzush ishliri dawamlishiwatqan bolup, hazirghiche qaza qilghanlarning sani 500 ge yetken. Shundaqla munasiwetlik orunlar bu sanning yene dawamliq éship baridighanliqini mölcherlimekte.

Yer tewresh apitining tesirige éghir uchrighan kérman ölkisining mu'awin ölke bashliqi muhemmed jawadning melum qilishiche, yer tewresh bu yerdiki 30 mingdin oshuq kishi orunlashqan 40 nechche kentke tesir körsetken. Shundaqla hazirghiche az dégende 900 kishi yarilan'ghan.

Gerche iran hökümiti hazirghiche, iran yadro krizisi tüpeylidin xelq'aradin yardem sorimighan bolsimu, emma amérika hökümiti yenila irandiki apetke uchrighan rayonlargha yardem qilishni pilanlimaqta.

Bu qétimliq yer tewresh iranning ottura qismida yüz bergen bolup, u irandiki qedimiy bam shehiridin 250 kilométir yiraqliqta bolghan. Bam shehiride 2003 - yili 12 -ayda 6.6 Bal yer tewrep, 30 mingdin oshuq kishi qaza qilghan idi. Iranning orni yer tewresh belwighigha jaylashqan bolup, bu yerde künige az dégende bir qétim ajiz yer tewrep turidiken. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.