ھىندىنوزىيىدىكى يەر تەۋرەشتە ئۆلگەنلەرنىڭ سانى مىڭغا يەتتى


2005-03-29
Share

ھىندونېزىيىنىڭ غەربىدىكى دېڭىز تەۋەلىكىدە دۈشەنبە كۈنى كەچتە 8.7 بال يەر تەۋرەش ئاپىتى يۈز بېرىپ، ھازىرغىچە ئاز دېگەندە مىڭدىن ئارتۇق ئادەم ئۆلدى.

رويتىرس ئاگېنتلىقىنىڭ خەۋىرىگە قارىغاندا، ھىندونېزىيىنىڭ غەربىدىكى نىياس ئارىلى يەر تەۋرەش ئاپىتىنىڭ تەسىرىگە ئەڭ ئېغىر ئۇچرىغان. ھىندونېزىيىنىڭ مۇئاۋىن پرېزىدېنتى يۈسۈپ قاللا يەر تەۋرەشتە ئۆلگەنلەر سانىنىڭ ئىككى مىڭغا يېتىشى مۇمكىنلىكىنى بىلدۈردى.

خەۋەرگە قارىغاندا، 700 مىڭ ئاھالە ئولتۇراقلاشقان نىياس ئارىلىدىكى كۆپ قىسىم ئىمارەتلەر ئۆرۈلۈپ چۈشكەن. ھىندونېزىيە ۋە خەلقئارا قۇتقۇزغۇچى خادىملىرى قۇتقۇزۇش پائالىيەتلىرىنى جىددى داۋاملاشتۇرماقتا.

ئوخشاشلا ھىندونېزىيىنىڭ سۇماترا ئارىلى ئەتراپىدىكى ھىندى ئوكياندا ئۆتكەن دېكابىردا يۈز بەرگەن دەھشەتلىك يەر تەۋرەش ۋە دېڭىز دولقۇنى ئاپىتىدە، ھىندونېزىيە، مالايسىيە، سېرلانكا قاتارلىق دۆلەتلەردە 300 مىڭدىن ئارتۇق ئادەمنىڭ ئۆلۈشىنى كەلتۈرۈپ چىقارغان ئىدى.

بۇ قېتىمقى يەر تەۋرەش ئاپىتىدىن كېيىن، ھىندى ئوكيان بويىدىكى نۇرغۇن دۆلەتلەر دېڭىز دولقۇنى ئاپىتىدىن ئالدىن ئاگاھلاندۇرۇش بېرىپ، پۇقرالىرىنى تارقاقلاشتۇرغان ئىدى. ئامېرىكا دېڭىز دولقۇنىدىن ئالدىن سىگنال بېرىش مەركىزى، كەڭ كۆلەمدە دېڭىز دولقۇنى ئاپىتى يۈز بېرىش خەۋپىنىڭ يوقلىقىنى ئېلان قىلغاندىن كىيىن، ئالاقىدار ھۆكۈمەتلەر سەيشەنبە كۈنى ئەتىگەن بۇ ھەقتىكى ئاگاھلاندۇرۇشىنى بىكار قىلدى. (ئارزۇ)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت