Hindinoziyidiki yer tewreshte ölgenlerning sani minggha yetti

Hindonéziyining gherbidiki déngiz tewelikide düshenbe küni kechte 8.7 Bal yer tewresh apiti yüz bérip, hazirghiche az dégende mingdin artuq adem öldi.

Roytirs agéntliqining xewirige qarighanda, hindonéziyining gherbidiki niyas arili yer tewresh apitining tesirige eng éghir uchrighan. Hindonéziyining mu'awin prézidénti yüsüp qalla yer tewreshte ölgenler sanining ikki minggha yétishi mumkinlikini bildürdi.

Xewerge qarighanda, 700 ming ahale olturaqlashqan niyas arilidiki köp qisim imaretler örülüp chüshken. Hindonéziye we xelq'ara qutquzghuchi xadimliri qutquzush pa'aliyetlirini jiddi dawamlashturmaqta.

Oxshashla hindonéziyining sumatra arili etrapidiki hindi okyanda ötken dékabirda yüz bergen dehshetlik yer tewresh we déngiz dolquni apitide, hindonéziye, malaysiye, sérlanka qatarliq döletlerde 300 mingdin artuq ademning ölüshini keltürüp chiqarghan idi.

Bu qétimqi yer tewresh apitidin kéyin, hindi okyan boyidiki nurghun döletler déngiz dolquni apitidin aldin agahlandurush bérip, puqralirini tarqaqlashturghan idi. Amérika déngiz dolqunidin aldin signal bérish merkizi, keng kölemde déngiz dolquni apiti yüz bérish xewpining yoqliqini élan qilghandin kiyin, alaqidar hökümetler seyshenbe küni etigen bu heqtiki agahlandurushini bikar qildi. (Arzu)