Бейҗиңда америка- хитай мунасивәтлири тоғрисида йеғин өткүзүлмәкчи


2005.11.07
Share on WhatsApp
Share on WhatsApp

11 - Айниң 14 - күнидин 17 - күнигичә бейҗиңда хитай билән америка оттурисидики һәмкарлиқни раваҗландурушни мәқсәт қилған бир илмий муһакимә йеғини өткүзүлидикән.

Шинхуа агентлиқиниң хәвәр қилишичә, мәзкур йеғин хитайниң чәт дөләтләр достлуқ җәмийити билән тексас а вә м университети, җурҗ буш һөкүмәт вә аммиви хизмәтләр мәктипий вә җурҗ буш президент китабханиси фонди җәмийити тәрипидин бирликтә уюштурулған.

Хәвәрдә ейтилишичә, йеғинға қатнишидиғанлар арисида, хитай хәлқ қурултийи сиясий кеңиши миллий комитетиниң муавин рә иси шу кваңди, хитай сабиқ муавин баш министири чйән чичән вә америкиниң сабиқ президенти җурҗ буш қатарлиқ әрбаблар бар икән.

Йеғинда асаслиқи, америка-хитай иқтисадий мунасивити, енергийә, тәрәққият, илмий вә илғар техник саһәлиридики һәмдә мәдәнийәт вә маарип саһәлиридики һәмкарлиқ қатарлиқ мәсилиләр муһакимә қилинидикән.

Бу қетимқи йеғин -2003 йилидин бири америка - хитай мунасивәтлири тоғрисида өткүзүлидиған иккинчи йеғин болуп, биринчи йеғин америкида өткүзүлгән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.