Béyjingda amérika- xitay munasiwetliri toghrisida yéghin ötküzülmekchi


2005.11.07
Share on WhatsApp
Share on WhatsApp

11 - Ayning 14 - künidin 17 - künigiche béyjingda xitay bilen amérika otturisidiki hemkarliqni rawajlandurushni meqset qilghan bir ilmiy muhakime yéghini ötküzülidiken.

Shinxu'a agéntliqining xewer qilishiche, mezkur yéghin xitayning chet döletler dostluq jem'iyiti bilen téksas a we m uniwérsitéti, jurj bush hökümet we ammiwi xizmetler mektipiy we jurj bush prézidént kitabxanisi fondi jem'iyiti teripidin birlikte uyushturulghan.

Xewerde éytilishiche, yéghin'gha qatnishidighanlar arisida, xitay xelq qurultiyi siyasiy kéngishi milliy komitétining mu'awin re isi shu kwangdi, xitay sabiq mu'awin bash ministiri chyen chichen we amérikining sabiq prézidénti jurj bush qatarliq erbablar bar iken.

Yéghinda asasliqi, amérika-xitay iqtisadiy munasiwiti, énérgiye, tereqqiyat, ilmiy we ilghar téxnik saheliridiki hemde medeniyet we ma'arip saheliridiki hemkarliq qatarliq mesililer muhakime qilinidiken.

Bu qétimqi yéghin -2003 yilidin biri amérika - xitay munasiwetliri toghrisida ötküzülidighan ikkinchi yéghin bolup, birinchi yéghin amérikida ötküzülgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.