Xitay, qazaqistan qatarliq alte dölet qedimqi yipek yoli medeniyet izlirini dunya medeniyet mirasi qilish üchün teklip teyyarlimaqta


2008.01.02
Share on WhatsApp
Share on WhatsApp

Xitay, qazaqistan qatarliq alte dölet qedimqi yipek yoli medeniyet izlirini dunya medeniyet mirasi qilish üchün teklip teyyarlashqa kirishti. Merkizi agéntliqining xewer qilishiche, bu teklip teyyarlinip bolghandin kéyin, 2008 ‏- yili 8 ‏- aydin 9 ‏- ayghiche xelq'araliq mutexessisler uni tekshürüp bahalaydu.

Xewerde bayan qilinishiche, dunya medeniyet mirasi qilish üchün xitaydin yollaydighan 48 orunning ichide, yarghol qedimqi sheher xarabisi, niye xarabiliqi, qizil ming'öy, kroran qedimqi shehiri xarabisi qatarliq 12 orun Uyghur aptonom rayonida.

Xewerde bayan qilinishiche, Uyghur yurtlirida qedimqi yipek yoli medeniyet izliri nahayiti köp, emma uning köpinchisi tebi'iy apet yaki adem apiti tüpeylidin éghir derijide buzulghan. Bularning héchqaysi téxi qoghdilidighan dunya medeniyet mirasliri ölchimige yetmeydu.

Shunglashqa xitay hökümiti bu yil 3 ‏- aydin bashlap, medeniyet izlirining muhitini yaxshilash üchün, dunya buyiche qoghdash ölchimige asasen qurulush élip bérishqa we medeniy miraslargha zit bolghan soda -tijaret orunliri qatarliqlarni emeldin qalduridu. (Weli)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet