Һиндонезийә деңиз армийиси хитай белиқчи парахотиға оқ чиқарди


2005-09-21
Share

Һиндонезийә деңиз армийә даирилири хитайниң бир белиқчи парахотиға оқ чиқирип, бир хитай кемә хадиминиң өлүши, иккисиниң ярилинишини кәлтүрүп чиқарди.

Ройтирс агентлиқиниң хәвиригә қариғанда, вәқә, дүшәнбә күни һиндонезийиниң арафура деңиз тәвәликидә йүз бәргән. Һиндонезийиниң чарлиғучи парахоти әйни вақитта қанунсиз чегра һалқиған дәп қариған төт белиқчи парахотни байқиған.

Хитай байриқи есилған бу парахотлар һиндонезийә деңиз армийә даирилири чиқарған симсиз телеграф вә сигналларға инкас қайтурмиған һәмдә агаһландуруш оқини аңлиғандин кийин қачмақчи болған. Буни көргән һиндонезийә деңиз пилоти ахирқи бир парахотқа қаритип оқ чиқарған. Улар кийин парахотқа чиқип бир адәмниң өлүп, иккисиниң яриланғанлиқини байқиған. Нөвәттә бу парахот, һиндонезийиниң миравкий деңиз армийә базисида тутуп турулмақта.

Бу арида шинхуа агентлиқиниң хәвәр қилишичә, хитайниң һиндонезийидики әлчиханиси һиндонезийә ташқи ишлар министирлиқи вә деңиз армийә баш қоманданлиқ шитаби биилән көрүшүп, һиндонезийә даирилириниң өзлирини вәқәдин вақтида хәвәрдар қилмиғанлиқиға наразилиқини билдүргән. Әмма тутулған бу белиқчи парахутидикиләрниң һиндонезийә деңизидики белиқ тутуш паалийәтлириниң қанунсиз икәнликини етирап қилған. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт