Hindonéziye déngiz armiyisi xitay béliqchi paraxotigha oq chiqardi


2005-09-21
Share

Hindonéziye déngiz armiye da'iriliri xitayning bir béliqchi paraxotigha oq chiqirip, bir xitay kéme xadimining ölüshi, ikkisining yarilinishini keltürüp chiqardi.

Roytirs agéntliqining xewirige qarighanda, weqe, düshenbe küni hindonéziyining arafura déngiz tewelikide yüz bergen. Hindonéziyining charlighuchi paraxoti eyni waqitta qanunsiz chégra halqighan dep qarighan töt béliqchi paraxotni bayqighan.

Xitay bayriqi ésilghan bu paraxotlar hindonéziye déngiz armiye da'iriliri chiqarghan simsiz télégraf we signallargha inkas qayturmighan hemde agahlandurush oqini anglighandin kiyin qachmaqchi bolghan. Buni körgen hindonéziye déngiz piloti axirqi bir paraxotqa qaritip oq chiqarghan. Ular kiyin paraxotqa chiqip bir ademning ölüp, ikkisining yarilan'ghanliqini bayqighan. Nöwette bu paraxot, hindonéziyining mirawkiy déngiz armiye bazisida tutup turulmaqta.

Bu arida shinxu'a agéntliqining xewer qilishiche, xitayning hindonéziyidiki elchixanisi hindonéziye tashqi ishlar ministirliqi we déngiz armiye bash qomandanliq shitabi bi'ilen körüshüp, hindonéziye da'irilirining özlirini weqedin waqtida xewerdar qilmighanliqigha naraziliqini bildürgen. Emma tutulghan bu béliqchi paraxutidikilerning hindonéziye déngizidiki béliq tutush pa'aliyetlirining qanunsiz ikenlikini étirap qilghan. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet