Rusiyide xitaylar zerbige uchrimaqta

Erkin asiya radi'osining rusiyide turushluq ixtiyari muxbirining uchur bérishiche, 11-ayning 11-küni rusiyining sankit pétirburg shehiride xitay oqughuchilirini urush weqesi yüz bérip, bir neper xitay oqughuchi bir top rus yashliri teripidin pichaqlinip éghir yarilandurulghan. Xewerlerge qarighanda bu bir ayning ichide ikkinchi qétim yüz bergen xitay oqughuchilarning tayaq yéyish ehwali iken.

Xitay oqughuchilarning zerbige uchrash ehwali künsayin köpiyishke qarap yüzlen'gen bolup, bu yil yaz éyida woronje shehiride ikki neper xitay oqughuchi ruslar teripidin urulup, ularni biri öltürülgen.

Rusiye metbu'atliridiki uchurlargha qarighanda rus milletchilirining hujum qilish nishanlirining biri xitaylar bolup, rusiyining yiraq sherq, sibiriye, moskwa qatarliq rayonlirida xitaylarning üzlüksiz türde köpiyip, soda –sétiq bilen shughullinishi, uning üstige xitayning nachar süpetlik, yalghan mallirining hemmila yerni qaplishi, ruslarning qattiq ghezipini qozghighan.

Uning üstige, rusiyige kirgen qanunsiz xitay köchmenlirimu türlük jinayi heriketler bilen shughullinip, hetta rusiye puqralirigha hujum qilishtek ehwallarni peyda qilghan. Shunga mundaq xitaylargha hujum qilish weqesi hemmila jayda da'im yüz bérip turidighan ehwalgha aylan'ghan iken. (Ümidwar)