Wang jyaruy, yadro qorallar mesilisi boyiche shimali koriyini ziyaret qildi


2005.02.20
Share on WhatsApp
Share on WhatsApp

Xitay kompartiyisining yuqiri derijilik emeldari wang jyaruy, shimali koriyini köp tereplimilik yadro qorallar söhbet üstilige qayturup kélish mesilisi boyiche pyongyangni ziyaret qildi. Xelq'ara jem'iyet wang jyaruyning shimali koriyidiki ziyaritidin chong ümidlerni kütmekte.

Xitay kompartiyisi merkizi komitét tashqi munasiwetler bölümining bashliqi wang jyaruy, shenbe küni pyongyanggha yétip kélip shimali koriyidiki 4 künlük ziyaritini bashlighan. Jenubiy koriye metbu'atlirining xewer qilishiche, wang jyaruy pyongyanggha yétip barghan shu küni shimali koriye rehbiri kim jun'gh - il bilen körüshüp, béyjingning yadro qorallar mesilisi boyiche köp tereplimilik söhbetni eslige keltürüsh toghrisidiki küchlük teklipini yetküzgen shundaqla xitay dölet re'isi xu jintawning bu mesilige köngül boliwatqanliqini uqturghan.

Shu küni shimali koriye tashqi ishlar ministirliqi bayanatchisi, "amérikining düshmenlik siyasitining kasapitidin 6 terep söhbitila emes, belki shimali koriye ilgiri dawamliq otturigha qoyup kéliwatqan amérika bilen biwaste ikki terep söhbiti ötküzüsh teklipining asasliri mewjut bolushtin qaldi," dep körsetken.

Yuqiriqi bayanatchisining eskertishiche, amérika shimali koriye bilen tinchliqta birge turushqa, bir - birining ichki ishlirigha arlashmasliqqa kapaletlik qilmighiche, shundaqla düshmenlik siyasitidin waz kechmigüche, shimali koriye yadro qorallar söhbet üstilige qaytip kelmeydiken.

Amérika, yaponiye, jenubiy koriye qatarliq döletler wang jyaruyning pyongyanggha qilghan ziyaritidin zor ümid kütmektiken. Biraq xitay metbu'atliri wang jyaruyning ziyaritini gheyri resmi ziyaret, dep élan qilghan. Xitayning mu'awin tashqi ishlar ministiri wu dawéy, shimali koriyining söhbet üstilige pat arida qaytip kélish mümkinchiliki yoqliqini bildürgen. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.