Дуня сәһийә тәшкилати юқумлуқ зукам һәққидә агаһландурди


2004.11.25

Дуня сәһийә тәшкилати пәйшәнбә күни агаһландуруп, бу йилниң бешида асияда тарқалған қуш зукими виросиниң пүтүн дуня характерлиқ юқумлуқ кесәлниң тарқилишиға сәвәбчи болиши мумкинликини билдүрди.

Америка бирләшмә ахбарат агентлиқиниң хәвиригә қариғанда, дуня сәһийә тәшкилатиниң мутәхәссиси ситохр тайландта ичилған қуш зукими вироси һәққидики йиғинда сөз қилип, дуня миқясида бир қетим кәң көләмлик юқумлуқ кесәлниң партлиши ениқ икәнликини, бирақ мутәхәссисләр униң қачан болидиғанлиқини ениқ билмәйдиғанлиқини көрсәткән.

Ситохр, бу хил кәң көләмлик юқумлуқ зукамниң дуняниң һәр қайси җайлириға тәсир көрситип, 2 милйондин йәттә милйонғичә адәмниң өлүшини кәлтүрүп чиқириши мумкинликини оттуриға қойди. У йәнә һәр қайси дөләтләрниң һәр хил юқумлуқ кисәлләрниң тарқилишини алдини елиш хизмитини күчәйтиши керәкликини тәкитлиди.

Қуш зукими бу йилниң беши асия дөләтлиридә кәң тарқилип, тайланд вә вийтнамда 32 адәмниң өлүшини кәлтүрүп чиқарған иди.

Бу арида, уйғур аптонум районлуқ юқумлуқ кесәлләрни контрол қилиш вә алдини елиш мәркизи, уйғур елидә пат арида юқумлуқ зукам тарқилиш иһтималлиқиниң чоң әмәсликини, бирақ кишиләрниң юқумлуқ зукамдин мудапиә көрүшкә сәл қаримаслиқи керәкликини көрсәтти. (Арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.