Dunya sehiye teshkilati yuqumluq zukam heqqide agahlandurdi


2004-11-25
Share

Dunya sehiye teshkilati peyshenbe küni agahlandurup, bu yilning béshida asiyada tarqalghan qush zukimi wirosining pütün dunya xaraktérliq yuqumluq késelning tarqilishigha sewebchi bolishi mumkinlikini bildürdi.

Amérika birleshme axbarat agéntliqining xewirige qarighanda, dunya sehiye teshkilatining mutexessisi sitoxr taylandta ichilghan qush zukimi wirosi heqqidiki yighinda söz qilip, dunya miqyasida bir qétim keng kölemlik yuqumluq késelning partlishi éniq ikenlikini, biraq mutexessisler uning qachan bolidighanliqini éniq bilmeydighanliqini körsetken.

Sitoxr, bu xil keng kölemlik yuqumluq zukamning dunyaning her qaysi jaylirigha tesir körsitip, 2 milyondin yette milyon'ghiche ademning ölüshini keltürüp chiqirishi mumkinlikini otturigha qoydi. U yene her qaysi döletlerning her xil yuqumluq kisellerning tarqilishini aldini élish xizmitini kücheytishi kéreklikini tekitlidi.

Qush zukimi bu yilning béshi asiya döletliride keng tarqilip, tayland we wiytnamda 32 ademning ölüshini keltürüp chiqarghan idi.

Bu arida, Uyghur aptonum rayonluq yuqumluq késellerni kontrol qilish we aldini élish merkizi, Uyghur élide pat arida yuqumluq zukam tarqilish ihtimalliqining chong emeslikini, biraq kishilerning yuqumluq zukamdin mudapi'e körüshke sel qarimasliqi kéreklikini körsetti. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet