Xitay merkizi komitéti kandidat ezalirining tizimliki békitildi

Xitay kommunistliri béyjingda échiwatqan 17 - qurultiyining 3 - küni, xitay kompartiyisi merkizi komitéti we siyasiy byurosining kandidat ezalirining tizimlikini békitken.

Melum bolushiche, merkizi komitétigha körsitilgen namzatlarning tizimliki xitay kompartiyisining yuqiri derijilik ezaliri teripidin békitilgen bolup, birleshme agéntliqida xitay axbarat wasitilirining xewerliridin neqil élip körsitilishiche, mezkur tizimlik hazir xitay kompartiyisi 17 - qurultiyigha qatnishiwatqan wekillerning muzakire qilishigha sunulidiken.

Emma xitay metbu'atlirida, saylamning qachan élip bérilidighanliqi we saylam tertipi heqqide héchqandaq tepsiliy melumat bérilmigen.

Xitay kompartiye emeldarlirining bildürüshiche, hazir körsitilgen namzatlarning sani belgilen'gen orundin éship kétidiken.

Bir xitay emeldarning körsitishiche, saylam élip bérish usulliri bélet tashlinip bolghandin kéyin, mushu yekshenbe küni ashkarilinidiken.

Birleshme agéntliqida bu heqte bérilgen xewerde ashkarilinishiche, xitay re'isi xu jintaw öz yéqinlirini yuqiri we halqiliq orunlargha kirgüzüsh we öz warisini békitish üchün mezkur saylamgha ustiliq ishlitishi mumkin iken. (Jüme)