Xelq'ara kechürüm teshkilati xitayning 4 - iyun mehbuslirini qoyup bérishke chaqirdi

Xelq'ara kechürüm teshkilati jüme küni bayanat élan qilip, xitay hökümitini 4 - iyun weqeside türmige tashlan'ghan shundaqla 4 - iyun weqesini aqlashni telep qilghanliqi üchün qolgha élin'ghan kishilerge qaytidin baha bérishni telep qildi.

Kechürüm teshkilatining bayanati tyen'enmin démokratiye herikiti 1989 - yili 4 - iyunda xitay azadliq armiyisi teripidin basturulghanliqining 16 yilliqi munasiwiti bilen élan qilindi. Kechürüm teshkilati, " xitay hökümiti tyen'enmin weqesi toghrisida pikir bayan qilghanlar, intérnét yaki bashqa wastilarda uchur almashturghan shexslerni qolgha élish we kemsitishni toxtitishi kérek," dep körsetti.

Xitay rehberlirining 4 - iyun weqesige köngül bölüsh modidin qaldi, dep qaraydighanliqini tekitligen kechürüm teshkilati, xitay bash ministiri wén jyabawning " peqet tarixqa hörmet qilidighan, tarix aldida mes'uliyetchan döletlerla asiya we dunya xelqining hörmitige sazawer bolalaydu," dégen sözini xatirletti. Wén jyabaw bu sözni yaponiyining 2 - dunya urushidiki ishghaliyetchilik herikitini tenqid qilghanda éytqan. Emma xitay hökümiti tyen'enmin démokratiye herikitini aqlashni ret qildi.

Xitay tashqi ishlar ministilriqining bayanatchisi kong chü'en, her qaysi jehetlerdiki tereqqiytatlar hökümetining 4 - iyun weqesi toghrisidiki yekünining toghriliqini ispatlimaqta, dep körsetti.

Fransiye axbarat agéntliqining xewer qilishiche, xitay hökümiti 4 - iyun weqesining 16 yilliqi harpisida, öktichilerni nazaret qilishni kücheytken. (Erkin)