Xongkong parlaméntidiki démokratik küchler xitayni ziyaret qilish jeryanida 4 - iyunni aqlashni teklip qildi

Xongkong alahide memuriy rayonining bashliqi zéng yinchü'en bashchiliqidiki xongkong parlaméntining pütün ezaliri, béyjing da'irilirining teklipi boyiche xitay chong quruqluqini ziyaret qilip, yekshenbe küni gu'angdong ölkilik partkomning sékritari jang déjiyang bilen uchrashqanda parlaménttiki démokratik küchler, "4 - iyun tiyen'enmin weqesi" ni aqlashni telep qildi. Bu xongkong parlaméntidiki démokratik küchlerning xitay chong quruqluqini tunji qétim kolléktip ziyaret qilishi bolup hésablinidu.

Xongkong parlaméntining ezasi li jorén, xitayning iqtisadi jehettin tereqqi qilipla qalmay, belki dimokratiye we erkinlikning ilgirleshke érishishini ümid qildi.

Xewerlerge qarighanda xongkong parlaméntining ezasi lyang goshyong, jang déjyangdin " 4 - iyun weqesini aqlash" ni telep qilghanda yighinning keypiyati birdinla jiddiliship ketken bolup, jang déjyang, "merkez 4 - iyunning xaraktérini békitip boldi. Bu toghrisida söz échishning kériki yoq," dep jawab bergen.

Lyang goshyong, xongkongdin xitay chong quruqluqigha ötkende kiyiwalghan maykigha tyan'enmin weqesini basturghan tanka qisimlirining resimi bésilghan bolup, " xelq buni hergiz untumaydu," dégen xet yéziwalghan idi. (Erkin)