Ху җиңтав 1989 - йилдики димукратийә һәркитини ақлаш пилани йоқлиқини билдүрди


2004.10.10
Share on WhatsApp
Share on WhatsApp

Хитай дөләт рәиси ху җиңтав шәнбә күни хитай даирилириниң 1989 - йилдики тийән әнмин мәйдани димукратийә һәркитини ақлаш пилани йоқлиқини билдүрди. Бу ху җиңтавниң 2002 - йили хитай комунистик партийиси баш секритарлиқини, бу йил 9 - айда хитай мәркизи һәрби ишлар комитети рәисликини өткүзивалғандин бери тунҗи қетим тйән әнмин димукратийә һәркитини тилға елиши болуп һисаплиниду.

У бу мәсилини франсийә призиденти җак ширак билән шәнбә күни өткүзгән мухбирларни күтүвелиш йиғинида тилға алди. Ху җиңтав, хитай азатлиқ армийисиниң тйән әнмин мәйданидики оқуғучиларни бастурғанлиқи үстидә тохтилиштин өзини қачурған.

Бирақ у, һөкүмәтниң 1989 - йили қолланған тоғра тәдбири, 1990 - йиллардики иқтисади гүллинишниң асасини яратти дәп тәкитлиди. У мундақ дәйду : 10 йиллиқ хизмитимиз хитай җәмийитиниң сияси җәһәттики муқимлиқи, ислаһат вә ичиветишниң чоңқурлашқанлиқини көрсәтти. Ху җиңтав бу сөзләрни бир мухбирниң тйән әнмин һәркитини ақлаш пилани бар - йоқлиқи тоғрисидики суалиға җавап бәргәндә тәкитлигән. Ху җиңтав, " шуңа бу йәрдә юқирқи мухбир достимиз тилға алған әндишә қилғудәк бир мәсилә мәвҗут әмәс " дәп көрсәтти. Ху җиңтавдин сирт баш министир вен җябавни өз ичигә алған хитай һөкүмәт әмәлдарлири, тйән әнмин димукратийә һәркитини бастуруш җәриянида өлгәнләр аилә тавабатиниң, тйән әнмин вәқәсини ақлаш тоғрисидики тәлипигә юқирқидәк җавап берип кәлмәктә. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.