Хитайда кишилик һоқуқни яқлиғучи бәзи адвукатлар марафончә ачлиқ елан қилди


2006-02-06
Share

Хитайда кишилик һоқуқни яқлиғучи бәзи адвукатлар хитай сақчилириниң гу фейшйоң қатарлиқ адвукат вә пуқраларға қилған зиянкәшликигә қарши шәнбә күндин башлап нөвәт билән күч улап ачлиқ елан қилиш һәрикити қозғиди.

Хитайда кишилик һоқуқни қоғдаш билән нам чиқарған адвукат гав җишиң, өткән шәнбә күндин башлап 48 саәт ачлиқ елан қилди. Дүшәнбә күндин башлап өктичи затлардин ху җя, чи җийоң қатарлиқ кишиләр ачлиқ елан қилған. Гав җишиңниң дүшәнбә күни радиомизға тәкитлишичә, ачлиқ елан қилиш һәрикитиниң вақит қәрәли йоқ икән. У, " пәқәт җуңго хәлқи зиянкәшликкә учрисила ачлиқ елан қилиш һәрикити давамлишиду " дәйду.

Бу арида юқириқи кишиләр тәрипидин башланған ачлиқ елан қилиш һәрикити кеңийишкә башлиди. Нөвәттә әнгилийә, франсийә, австиралийә, канада, америка, хоңкоң, тәйвән қатарлиқ дөләт вә районлардиму ачлиқ елан қилиш сепигә қошулидиғанлар өзини мәлум қилған. Дүшәнбә күндин башлап ачлиқ елан қилған чи җийоңниң әскәртишичә, у , бу арқилиқ хәлқниң кишилик һоқуқни қоғдиғучиларға һесдашлиқини қозғаш мәқсидигә йәтмәкчи икән. Ачлиқ елан қилиш һәрикитигә қатнашқан ху җя, " кишилик һоқуқниң ахирқи һесабта ғәлибә қилидиғанлиқиға ишинимән " дәйду.

Бирләшмә ахбарат агентлиқиниң әскәртишичә, гав җишиң " биз һөкүмәтни мәвҗут қанунлардики бу хил зиянкәшлик чәкләнгән бәлгилимиләрни иҗра қилишқа чақиримиз " дәп тәкитлигән. Бу кишиләр, өткән җүмә күни го фейшйоң исимлик бир кишилик һоқуқ адвукати кимлики намәлум кишиләр тәрипидин қаттиқ таяқ йигәндин кейин, күч улап ачлиқ елан қилиш һәрикитини башлиған. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт