Xitayda kishilik hoquqni yaqlighuchi bezi adwukatlar marafonche achliq élan qildi


2006.02.06
Share on WhatsApp
Share on WhatsApp

Xitayda kishilik hoquqni yaqlighuchi bezi adwukatlar xitay saqchilirining gu féyshyong qatarliq adwukat we puqralargha qilghan ziyankeshlikige qarshi shenbe kündin bashlap nöwet bilen küch ulap achliq élan qilish herikiti qozghidi.

Xitayda kishilik hoquqni qoghdash bilen nam chiqarghan adwukat gaw jishing, ötken shenbe kündin bashlap 48 sa'et achliq élan qildi. Düshenbe kündin bashlap öktichi zatlardin xu jya, chi jiyong qatarliq kishiler achliq élan qilghan. Gaw jishingning düshenbe küni radi'omizgha tekitlishiche, achliq élan qilish herikitining waqit qereli yoq iken. U, " peqet junggo xelqi ziyankeshlikke uchrisila achliq élan qilish herikiti dawamlishidu " deydu.

Bu arida yuqiriqi kishiler teripidin bashlan'ghan achliq élan qilish herikiti kéngiyishke bashlidi. Nöwette en'giliye, fransiye, awstiraliye, kanada, amérika, xongkong, teywen qatarliq dölet we rayonlardimu achliq élan qilish sépige qoshulidighanlar özini melum qilghan. Düshenbe kündin bashlap achliq élan qilghan chi jiyongning eskertishiche, u , bu arqiliq xelqning kishilik hoquqni qoghdighuchilargha hésdashliqini qozghash meqsidige yetmekchi iken. Achliq élan qilish herikitige qatnashqan xu jya, " kishilik hoquqning axirqi hésabta ghelibe qilidighanliqigha ishinimen " deydu.

Birleshme axbarat agéntliqining eskertishiche, gaw jishing " biz hökümetni mewjut qanunlardiki bu xil ziyankeshlik cheklen'gen belgilimilerni ijra qilishqa chaqirimiz " dep tekitligen. Bu kishiler, ötken jüme küni go féyshyong isimlik bir kishilik hoquq adwukati kimliki namelum kishiler teripidin qattiq tayaq yigendin kéyin, küch ulap achliq élan qilish herikitini bashlighan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.