Хитай орган көчүрүш содиси һәққидики доклатни рәт қилди


2006.07.28

Хитай һөкүмити җүмә күни канада һөкүмитиниң бир сабиқ ички кабенит министири билән бир адвокат тәрипидин тәйярланған фалунгуң муритлириниң ички органлирини сетиш вәқәси раст йүз бәргәнликигәаит доклатни рәт қилди.

Хитайниң отавадики баш әлчиханисиниң баянатчиси җаң вейдуң шинхуа ахбарат агентлиқиға дәйвид килгор вә адвокат дәйвид матас тәрипидин тәйярланған бу доклатни " интернеттә бар учурларни вә канададики фалунгоң муритлири тәминлигән нәрсиләрни асас қилған" дәп әйиблиди. Шинхуа ахбарат агентлиқиниң әскәртишичә, хитай әлчиханисиниң баянатчиси, доклатта бәзи шәһәрләр тоғра тилға елинмиған вә бу ,доклатниң ишәнчлик дәриҗисигә гуман туғдурмақта,дәп тәнқидлигән.

Дәйвид килгор билән дәйвид матаслар бу айниң башлири елан қилған доклатта, хитай даирилирини мәһбусларниң ички органлирини, болупму түрмидики фалунгуң муритлириниң ички органлирини сатмақта, дәп әйиблигән иди. Улар бир қатар дохтурхана вә түрмиләр үстидин 2 ай тәкшүрүш елип барғандин кейин бу хуласини чиқарған. Лекин җаң вейдуңниң әскәртишичә, җуңго адәм организимини көчүрүш мәсилисигә " наһайити еһтиятчан вә мәсулийәтчанлиқ" туйғуси билән муамилә қилмақтикән.

Хитай һөкүмити 1999 - йили фалунгоң тәриқитини чәклигәндин бери, бу тәриқәткә зәрбә берип кәлмәктә. Фалунгуң бу йилниң башлири хитай һөкүмитини түрмидики тәриқәт муритлириниң ички органлирини сетиш билән әйиблигән иди. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.